Lýsing
Til að þróa hið einkennandi yfirborð vann Wirkkala í nærri þúsund klukkustundir með glerblásurum Iittala-verksmiðjunnar. Áferðin minnir á bráðnandi ís og kristallaða náttúru þar sem ljósið leikur um glerið og skapar fallega dýpt og gljáa. Glasið hvílir á ávölum botni sem studdur er af þremur ískenndum toppum sem virðast svífa yfir yfirborðinu. Útkoman er einstök blanda af list, handverki og notagildi sem hefur gert Ultima Thule að einni þekktustu glerlínu Norðurlanda. Línan öðlaðist heimsfrægð þegar Finnair tók hana í notkun á fyrsta farrými sínu á flugleiðinni milli Helsinki og New York. Freðivínsglasið er fullkomið fyrir kampavín, freyðivín og aðra hátíðardrykki þar sem það setur glæsilegan svip á hverja samverustund.
Frekari upplýsingar
| Vörumerki | Iittala |
|---|---|
| Tegund | Glös, Vínglös |
| Vörulína | Ultima Thule |
| Vörusafn | Allt fyrir borðhaldið, Brúðkaupsgjafir |
| Litur | Glær |
Um vörumerkið
Iittala er eitt af þekktustu vörumerkjum heims og þarf vart að kynna. Finnska hönnunarfyrirtækið hóf sögu sína árið 1881 í litlu þorpi sem hét Iittala, en fyrirtækið byrjaði sem glerverkstæði. Uppúr árinu 1920 hóf fyrirtækið framleiðslu á listrænum glermunum fyrir heimili með listamenn eins og Alvar Aalto í fararbroddi.
Í dag er vöruúrval Iittala ákaflega fjölbreytt en vörumerki þeirra telja meðal annars falleg matarstell, vasa, kertastjaka og safngripi eftir ýmsa þekkta hönnuði og listamenn.
